Këto janë pamjet e rënda të aksidentit të regjistruar mesditen e kësaj të premteje, në autostradën Morinë-Milot. Një automjet tip “Volkswagen”, humbi kontrollin dhe për pasojë u përplas me bordurat në rrugë.
Fatkeqësisht nga përplasja e fortë humbi jetën drejtuesi i mjetit, banues në Kukës. Ndërkohë pasagjeri që ndodhej me të është dërguar për mjekim në Spitalin e Traumës, Tiranë.
Grupi hetimor po punon për përcaktimin e shkaqeve të aksidentit.
