Pamje të rënda! Momenti kur transportohet trupi i presidentit Raisi dhe të zyrtarëve që vdiqën në aksident ajror
Janë publikuar pamjet e para të transportit të trupave pas rënies së helikopterit, ku humbën jetën presidenti i Iranit Ebrahim Raishi dhe shoqëruesit e tij.
Bodies are being transported from the Raisi helicopter crash site, per IRNA. pic.twitter.com/NpXUcvvN9l
Reklamë— Ragıp Soylu (@ragipsoylu) May 20, 2024
Presidenti iranian Ebrahim Raisi, që shihej prej kohësh si pasardhës i mundshëm i liderit suprem Ayatollah Ali Khamenei, u vra në një përplasje helikopteri në një terren malor pranë kufirit me Azerbajxhanin, thanë zyrtarët dhe media shtetërore të hënën.
Mbetjet e djegura të helikopterit që u rrëzua të dielën me Raisi dhe ministrin e Jashtëm Hossein Amirabdollahian u gjetën herët të hënën pas një kërkimi gjatë natës në kushte stuhie.
Vdekja e Raisit u konfirmua më vonë në një deklaratë në mediat sociale nga nënpresidenti Mohsen Mansouri dhe në televizionin shtetëror.
Televizioni shtetëror raportoi se imazhet nga vendi treguan se avioni u përplas në një majë mali, megjithëse nuk kishte asnjë fjalë zyrtare për shkakun e rrëzimit.
Agjencia shtetërore e lajmeve IRNA tha se Raisi po fluturonte me një helikopter Bell 212 të prodhuar në SHBA. /vizionplus.tv
