Paloka ironizon Lleshin: Në vetëm tre dite pune, tre levizje të bujshme!
Nënkryetari i PD-së Edi Paloka ka reaguar pas sqarimit të Ministrisë së Brendshme për urdhrin e parë të dhënë nga zv/ministri Sandër Lleshit.
Në urdhrin e tij të parë në postin e zv.ministrit Lleshi urdhëroi moslejimin e administratës për të dalë për kafe jashtë institucionit.
Përmes një postimi në rrjetin social Facebook, ai ironizon përgjigjen e Lleshit, ndërsa shton se ishte i bindur që ai nuk do të ishte efektiv në detyrën e tij të re.
“Dhe ne qe kishim dyshime se Lleshi i Rames nuk do ishte efektiv ne detyren e tij te re…
Ne vetem tre dite pune, tre levizje te bujshme ;
Diten e pare nxorri urdher qe administrata te mos pij kafe.
Diten e dyte urdheroi policine qe te merret me plehrat ( jo ato te krimit por me lekurat e bananave qe hedhin qytetaret)
Diten e trete nxorri sqarim per urdherin e dites se pare.
Neser pritet te nxjerre sqarim per urdherin e dites se dyte.
Po diten e peste ?”
