Nënkryetari i Partisë Demokratike, Edi Paloka i është përgjigjur deklaratës së zv.kryeministrit Erion Braçe i cili shkruante se vrasësit nuk votohen.
Sipas tij, Rama po e përdor sërish “21 janarin”. Në përgjigjen e tij Paloka ngre dy pyetje, që sipas tij janë thelbësore për të kuptuar se kush kërkon pushteti dhe kush është në anën e qytetarëve.
“Konia e Ramës që i njeh mirë bandat e krimit nga frika e pushtetit qe po i ikën ka thirrur prap në ndihme 21 janarin. Po akoma nuk i kanë sqaruar shqiptarët pse Edi Rama që më 19 janar 2011 bënte thirrje për “të kaluar mbi kufoma”, sapo mori pushtetin, gardistin e ‘grupit të zjarrit’ e beri drejtor të OSHEE , kryetar të PS ne Mat dhe tani kandidat të PS-së për Bashkinë Mat. Pyetjet qe lindin natyrshëm sot janë; cili është shërbimi që ky gardist i ka berë Ramës me 21janar? Pse u shpërblye gardisti i grupit të zjarrit te 21 janarit kaq fort nga Edi Rama? Shqiptaret e kanë sot të qartë kush shkel mbi kufoma për pushtet e kush po kërkon që qytetarët të diktojnë pushtetin e tyre”.
