Asociacioni i Komunave me Shumicë Serbe është një detyrim që Kosova ka pranuar dhe duhet ta zbatojë. Deklarata vjen nga zv.ndihmës Sekretari Amerikan i Shtetit, Matthew Palmer,i cili në një intervistë në mediat kosovare theksoi se Prishtina duhet të gjejë mekanizma që të zbatojë këtë marrëveshje duke respektuar Kushtetutën e saj.
MATTHEW PALMER
ZEVENDES NDIHMES SEKRETARI AMERIKAN I SHTETIT
“Mirosllav Lajcak dhe ekipi i BE-së do të thotë se marrëveshja duhet të jetë ligj dhe duhet të zbatohet. Nese te gjithe po luftojme për një marrëdhënje normale për te hapur rrugën drejt BE-së, si per Serbine, ashtu edhe per Kosoven ekzistojne hapësirat për të bërë një kompromis. Kosova i pranoi obligimet ndaj pakicës serbe dhe patjeter duhet t’i plotesoje. Ekzistojnë mekanizma më të cilat Kosova mund të zgjidhe këtë çështje në përputhje me Kushtetuten e saj.”
Duke iu referuar paralajmërimit te kryeministrit Albin Kurti, që do të padisë Serbinë në Gjykatën Ndërkombetare për gjenocid, Palmer vuri në dukje se një vendim i tillë nuk do të ndihmonte bisedimet mes dy vendeve. Sipas zyrtarit amerikan, të dy palët duhet të fokusohen te e ardhmja, e jo te e kaluara.
“Mendoj se nje qasje e tillë nuk do të kontribuojë për zgjidhjen e problemeve mes Serbisë dhe Kosovës. Është e rëndësishme që të gjenden pika të përbashkëta me Serbinë për ardhmërinë e Kosovës, të arrihet marrëdhënie normale dhe të gjejnë mënyrën për të bërë përparim. Nëse Kosova dëshiron të shkojë në Gjykatë, kjo është e drejta e saj sovrane, por ne duam që t’i përkushtohen dialogut dhe të arrijnë marrëdhënie normale me Serbinë.”
Dy udhëheqësit e Kosovës dhe Serbisë pritet të takohen me 25 korrik për të vijuar procesin e dialogut.
