Shtetet e Bashkuara duan që Serbia dhe Kosova të normalizojnë marrëdhëniet për te hapur rrugën për një qëllim të përbashkët, i cili është anëtarësimi në Bashkimin Europian.
Me këtë apel i dërguari amerikan për Ballkanin Matthew Palmer në një intervistë te dhënë për mediat serbe kërkoi me shume angazhim nga Prishtina dhe Beogradin.
Palmer u shpreh se ai e kupton qëndrimin e Serbisë për të mos e njohur Kosovën si një vend të pavarur, por insiston se njohja e ndërsjellë është zgjidhja ideale për. Por Washingtoni nuk përjashton edhe opsionet e tjera.
MATTHEW PALMER
PERFAQESUESI SPECIAL I SHBA PER BALLKANIN PERENDIMOR
Sidoqoftë, shtetet e bashkuara nuk përjashtojnë mundësinë që të dy palët të bien dakord për diçka tjetër, një zgjidhje që nuk do të ishte plotësisht njohje e ndërsjellë, por që është më e mirë se ajo që kemi tani. Problemi i njohjes nuk është diçka që vjen shpejt dhe me lehtësi për Kosovën. Njohja reciproke do të jetë një çështje e vështirë për tu diskutuar. I vetmi vend ku mund të arrihet kjo nuk janë media, gazetat ose televizioni, por tryeza e bisedimeve. Qëndrimi i SHBA për Kosovën është i palëkundur, por ai pozicion nuk është i mjaftueshëm për t i garantuar Kosovës të ardhmen evropiane.
Sipas zyrtarit të lartë, Beogradi duhet të ndërpresë menjëherë fushatën për tërheqjet e njohjes së Kosovës dhe Prishtina duhet të heqë taksën.
MATTHEW PALMER
PERFAQESUESI SPECIAL I SHBA PER BALLKANIN PERENDIMOR
Serbia duhet të ndërpresë aktivitetet e saj për të tërhequr pavarësinë e Kosovës, për këtë arsye janë futur tarifat. Qëllimi i procesit të dialogut nuk është që të detyrojë njërën palë të normalizojë marrëdhëniet, por të mbështesë të dyja palët. Heqja e taksave për mallrat nga Serbia është mënyra për të dialoguar. Marrëveshja që promovon paqen dhe stabilitetin është shumëdimensionale dhe përfshin çështje të sigurisë, çështje politike, të të drejtave të njeriut dhe mbrojtjen e trashëgimisë.
Palmer bëri të qartë se Shtetet e Bashkuara janë të përkushtuara për ruajtjen e stabilitetit ne rajonin e Ballkanit.
