Ndërsa ora e votimit ne Parlament po afron, palët duket se jane me afer arritjes se nje marrëveshjeje per reformën ne drejtësi. Burime pranë mazhorances dhe opozitës bejne te ditur se negociatoret e PD, PS dhe LSI kane vijuar komunikimet me email per dy çështjet e mbetura pezull qe nga negociatat e se hënës dhe se ato po shkojnë drejt zgjidhjes. Ne pritje te nje rezultati konkret, ne selite e partive kryesore ka heshtje, por tashme duket e sigurt se nesër reforma do te kaloje me konsensus. Një dite me pare kryeministri Rama beri te qarte se Aleanca per Shqipërinë Europiane do te vononte ne bllok pro draftit te reformës. Pak ore pas kësaj deklarate ne kampin e opozitës u shtuan zërat per votim te reformës. I pari qe deklaroi voten pro ishte Eduart Selami. Edhe vete kryetari i PD Basha, pas mbledhjes se grupit parlamentar mbrëmjen e te martës, shprehu besimin se do te gjendet nje zgjidhje per kalimin e reformës ne seancën e 21 korrikut.
