Ministrja e Arsimit, Sportit dhe Rinisë Besa Shahini ka marrë pjesë në shpërndarjen e kartës së studentit në Korçë.
I pranishëm gjatë këtij aktiviteti ishte dhe administratori i Postës Shqiptare Laert Duraj si dhe stafi drejtues i Universitetit të Korçës.
MASR, në bashkëpunim me Postën Shqiptare, po realizon shpërndarjen e kartës për studentët e universiteteve publike jashtë Tiranës, duke ofruar shërbime publike e private me çmime të reduktuara.
Janë një numër i lartë shërbimesh dhe produktesh që mund të përfitohen, ndërkohë që kësaj karte do t’i shtohen shërbime dhe produkte të reja në vazhdimësi.
Çdo shërbim apo produkt që studentëve u ofrohet me ulje çmimi apo falas, ndihmon në lehtësimin e barrës financiare për ta dhe familjet e tyre.
Ky proces do të vijojë edhe me rrethet e tjera ku ka studentë.