Kancelaria gjermane Angela Merkel, presidenti i Këshillit Evropian Donald Tusk dhe zv/presidenti i Komisionit, Frans Timermans qëndrojnë në Turqi për të parë nga afër kufirin turko-sirian dhe kampet e refugjatëve. Vizita e tyre vjen në një kohë kur grupet për të drejtat e njeriut deklaronin se Turqia nuk është një vend i sigurt për të rikthyer emigrantët. Në përmbyllje të kësaj vizite, Merkel e Tusk mbajnë takim me kryeministrin Dautoglu dhe më pas një konferencë për media. Bashkimi Europian dhe Turqia kanë arritur një marrëveshje sipas të cilës, Ankaraja zyrtare merr përsipër të frenojë fluksin e refugjatëve që vijnë nga Siria. Gjithashtu emigrantët te cilët ndodhen në Greqi, do të kthehen në Turqi dhe për çdo të kthyer, një tjetër përfiton azil në vendet e unionit.
