Sekretari i Përgjithshëm i Partisë Demokratike nuk beson se kryeministri Edi Rama mund të luftojë kriminelët përmes paketës “Anti-KÇK”. Sipas tij, diçka e tillë nuk ndodh dot sepse Rama është vetë i lidhur me krimin e korrupsionin.
“Edi Rama bashkëqeveris me krimin e organizuar! Ai dhe qeveria e tij nuk mund të luftojnë krimin dhe korrupsionin sepse ata jane vetë krimi dhe korrupsioni.”
Reagimi i Bardhit ishte në të njëjtën linjë me atë të kreut të PD, Lulzim Basha dhe të LSI, të cilët po ashtu nuk kanë shpresa se me paketën “Anti-KÇK” goditen kriminelët.
