Gjykata e Tiranës, këtë të martë ka dënuar për shpifje këshilltarin e PD në Bashki Akil Kraja, menjëherë pas këtij vendimi ka ardhë dhe reagimi i kreut të Partisë Demokratike Lulzim Basha.
Përmes një postimi në ‘Twitter’ Basha sulmoi Ramën, dhe theksoi se askush nuk do t’ja mbyllë gojën opozitës.
“As Edi Rama as kamikazja e tij e korruptuar Regleta Panajoti që dënon për shpifje opozitarin Akil Kraja sepse denoncoi rritjen e çmimit të ujit nga vrasësi i Ardit Gjoklajt, nuk do na e mbyllin dot gojën. Fundi i tyre është i afërt dhe i ngjashëm me atë të diktaturës”.
Sipas verdiktit të gjykatës, Kraja, i cili ka akuzuar Veliajn për rritjen e çmimit të ujit në Tiranë dhe negociatave jo transparente për privatizimin e UKT-së, detyrohet t’i paguajë një dëmshpërblim moral prej 1 milion lekësh kryetarit të Bashkisë së Tiranës.