Ministri i Punëve të Jashtme i Kosovës, Behgjet Pacolli, është shprehur se presidenti i serbisë duhet ta kuptojë se Serbia nuk mund të bëhet pyke në marrëdhëniet strategjike dhe të përhershme mes Shteteve të Bashkuara të Amerikës dhe Republikës së Kosovës dhe duhet të ndalët me retorikat agresive ndaj Kosovës.
Përmes një postimi në rrjetin social Facebook, Pacolli e fton Vuçiç që të që mos të luaj rolin e molerit në lojën lindje-perëndim, por të kthehet në tavolinë të dialogut ku po ju presim… me platformë!
“Presidenti i Serbisë, Vuçiçi duhet ta kuptojë se Serbia nuk mund të bëhet pyke në marrëdhëniet strategjike dhe të përhershme mes Shteteve të Bashkuara të Amerikës dhe Republikës së Kosovës dhe duhët të ndalët me retorikat agresive ndaj Kosovës. Zotri Vuçiqi e din fare mirë se në bisedime shkohet me platformë të qartë.
Serbia nuk duhët të luhatet e kurthuruar në lojën e saj mes lindjës dhe perëndimit por duhët të ketë një platformë për bisedimet e ardheshme.
E siguroj Vuçiçin që asnjë paqe e qëndrueshme dhe afatgjatë nuk mund të ndërtohet pa gjykimin e krimeve, prandaj në funksion të kësaj duhet të ketë një Gjykatë e cila do të merrej me përgjegjësinë kriminale të Serbisë ndaj shqiptarëve të Kosovës. Rajoni duhet të pastrohet nga krimi dhe kriminelët që shëtisin të lirë gjithandej në Serbi e rajon. Në anën tjetër, Presidenti Vuçiç nuk ka pse të brengosët për komunitetin serb që jeton në Kosovë, sepse nuk ka komunitet në botë, që gëzon të drejta dhe siguri në nivelin që kanë qytetarët serb në Republikën e Kosovës. E për “gëlqerosje”… si theksoi ai, e ftoj që mos të luaj rolin e molerit në lojën lindje-perëndim, por të kthehet në tavolinë të dialogut ku po ju presim… me platformë!”
