Ministri në detyrë i Punëve të Jashtme, Behgjet Pacolli këtë të shtunë ka bërë me dije se Kosova nuk do të marrë pjesë në ceremoninë e Nobelit në Stokholm këtë vit.
Përmes një postimi në rrjetin social Facebook, Pacolli është shprehur se gjithashtu pret që edhe Shqipëria të veprojë njesoj.
“Kosova nuk do të marrë pjesë në ceremoninë e Nobelit në Stokholm këtë vit. Unë konfirmoj se ambasadorja ynë Znj. Shkendije-Geci-Sherifi do të bojkotojë këtë event, shkaku i fituesit kontravers të Çmimit Nobel, Peter Handke, mik dhe mbështetës i politikës së Millosheviqit. Unë gjithashtu pres që edhe Ambasadori i Shqipërisë të veprojë në mënyrë të ngjashme”.