1600 mjekë familje të qendrave shëndetësore në rang vendi po trajtojnë pacientët me Covid-19. Mjeku Bujar Mema thotë për Vizion Plus se aktualisht po trajton anëtarët e 12 familjeve, sipas protokolleve të përcaktuara nga autoritetet.
Por edhe pas agravimit të gjendjes dhe konstatimit të luhatjes së nivelit të oksigjenit, shumë pacientë refuzojnë spitalin.
Mjekët e familjes që po trajtojnë pacientët në qendrat shëndetësore në kryeqytet thonë se medikamentet që rekomandojnë jepen në varësi të dinamikës së sëmundjes, por pa specifikuar asgjë tjetër përveç vitaminave dhe antibiotikëve.
