Otranto, kapet gomonia me drogë

Policia italiane ka neutralizuar nje tjetër grup trafikantesh shqiptar, që transportonin 734 kile mariuhane drejt brigjeve të Italisë. Bëhet fjalë për tre persona në bordin e një gomoneje me motore të fuqishëm që synonin dërgesën e lëndës narkotike në Salento, në veri të Otrantos. Por mjeti lundrues është pikasur nga skafet e patrullës së Guardia Di Financës dhe një aeroplan, i cili vëzhgon nga ajri kanalin e Otrantos. Trafikantet janë arrestuar nga policia ndërsa kanë sekuestruar lëndën narkotike, e cila kap nje vlere prej 7 milione eurosh. Kjo është ngarkesa e radhës e ndaluar nga një grup narko-trafiku nga shqiperia ne drejtim te shtetit fqinj. Nje ditë më parë u neutralizua një bandë ndërkombëtare prej 16 personash e përbërë nga shqiptarë, italianë dhe rumunë dhe u sekuestrua një sasi prej dy tonësh hashash, 10 kile kokaine dhe 90 kile heroine.