Presidentja e Kosoves Vjosa Osmani u takua me të dërguarin e Shteteve të Bashkuara të Amerikës për Ballkanin Perëndimor, Gabriel Escobar dhe emisarin e Bashkimit Evropian për dialogun Miroslav Lajçak. Sipas një deklarate të presidencës Osmani ka shprehur përkushtimin e plotë që të punohet me partnerët ndërkombëtarë në mënyrë që në veri të vendit të sundojë rendi e ligji dhe të ruhet sovraniteti i Republikës së Kosovës.
“Presim që institucionet ligjzbatuese ta bëjnë punën e tyre, në përputhje me ligjin, në mënyrë që grupet kriminale përgjegjëse për dhunën të përballen me drejtësinë. Presidentja Osmani ka theksuar se zgjedhjet e reja në komunat në veri të vendit mund të organizohen në përputhje me kornizën aktuale kushtetuese e ligjore dhe në këtë kontekst, ajo shtoi se duhet të sigurohet pjesëmarrje demokratike e qytetarëve që jetojnë në këto katër komuna”.
PRESIDENCA E KOSOVES
Pas takimit me Osmanin zyrtaret e SHBA dhe BE biseduan edhe me perfaqesues të opozitës së Kosovës. Kryetari i Lidhjes Demokratike Lumir Abdixhiku, deklaroi se Kosova gjendet në një moment kritik, e për këtë, sipas tij, përgjegjës është kryeministri Albin Kurti.
“Jemi në një situatë shqetësuese për Republikën e Kosovës dhe për më tepër të paqartë. Shqetësuese për shkak të gjendjes se raporteve që Kosova i ka me aleatët e saj, e të paqartë për shkak të mungesës së planit dhe gatishmërisë së kryeministrit të Kosovës për dakordesim me aleatët. Në këtë fazë Kosovës i mbetet të shohe edhe pasojat që mund të vijnë nga SHB, BE dhe nga NATO. “
Sipas kryetarit te Partisë Demokratike Memli Krasniqi e rendësishme është që të mos të ketë përshkallëzim të situatës.
Edhe dje i kam takuar kryetarët ata janë duke vazhduar punën nga zyrat alternative, ashtu sic është duke bërë edhe kryetari i Mitrovicës së Veriut, kështu që për momentin ajo që është shumë e rëndësishme është moskrijimi i mundësive për përshkallëzim të situatës së sigurisë, ruajtja e qetësisë dhe rruga para nesh”.
Escobar dhe Lajcak u takuan dhe me kryetarin e Listës Serbe Goran Rakic i cili nuk është prononcuar për mediat.
Ndërkohë i dërguari i SHBA-së për Ballkanin Perëndimor në një intervistë per mediat e hyaja ka deklaruar se Perëndimi nuk është i qartë me kërkesat e kryeministrit Albin Kurti. “Nëse ai nuk dëshiron një republikë të re Serbska si Bosnja , duhet të na jap një ide se cfarë dëshiron” ka nënvizuar Escobar.
