Operatori i Shpërndarjes së Energjisë Elektrike do të përdorë Inteligjencën Artificiale për të analizuar dhe mbështetur punën e përditshme të rrjetit. OSHEE ka hapur një tender për ndërtimin dhe zbatimin e një platforme të integruar digjitale, me një fond limit prej rreth 98.6 milionë lekësh.
Sipas dokumenteve, projekti parashikon krijimin e një sistemi inteligjent që përpunon në kohë reale të dhënat e OSHEE-së dhe automatizon analizat për procese kyçe si matja e energjisë, mirëmbajtja e rrjetit, ndërprerjet dhe men_attachës së ngarkesave. Platforma do të lidhet me sistemet ekzistuese dhe do të ofrojë një panel monitorimi për ndjekjen e situatës në çdo moment.
Një pjesë e rëndësishme e projektit është edhe moduli rekomandues, i cili do të sugjerojë veprime operative bazuar në modele të Inteligjencës Artificiale. Megjithatë, çdo ndërhyrje që ndikon në funksionimin e rrjetit do të kërkojë miratim të detyrueshëm nga operatorët, duke ruajtur rolin vendimmarrës të njeriut.
Objektivi i këtij investimi është rritja e efikasitetit operacional. OSHEE synon që përmes kësaj platforme të shkurtojë kohën e analizave deri në 80%, të rrisë saktësinë e të dhënave mbi 95% dhe të ulë ndjeshëm gabimet manuale në leximin e matësave. Projekti pritet gjithashtu të përmirësojë produktivitetin e stafit dhe cilësinë e të dhënave operative.
/vizionplus.tv
