OSHEE, investime në Gjirokastër

Furnizimi me energji elektrike edhe për Gjirokastrën është i garantuar. Vetëm për këtë qark përgjatë këtij viti, Operatori i Shpërndarjes së Energjisë Elektrike, parashikon 4 mln dollarë investime. I pranishëm në inspektimin e punimeve për investimin në dy fidera prej 20 kilovolt në lagjet muzeale të qytetit të gurtë, administratori i OSHEE-së Adrian Çela, sqaroi se çfarë pritet të sjell ky investim. I pyetur për aksionin e nisur muaj më parë për lidhjet e paligjshme, Çela tha se procesi nuk është mbyllur ende. Sipas kreut të OSHEE-së të gjitha këto investime garantojnë cilësi në furnizmim më të mirë me energji për qytetarët.