Urdhri per te regjistruar portalet online ka shqetësuar edhe OSBE-ne. Harlem Desir përfaqësues per lirinë e mediave ka reaguar duke thëne se “shtetet nuk duhet të imponojnë regjistrimin e detyrueshëm te mediave online si parakusht për punën e tyre, gjë që mund të ketë efekt shumë negativ në lirinë e medias.
Kjo praktikë, kur vihet në zbatim, mund të kufizojë ndjeshëm aksesin e publikut në burime të larmishme informacioni edhe gërryen të drejtën e lirisë së shprehjes dhe të informimit online”, ka deklaruar Desir. OSBE i bën thirrje autoriteteve shqiptare te rishikojnë keto masa si dhe te shqyrtojnë te gjitha alternativat e mundshme per trajtimin e çështjes se shpifjeve. Ne nje letër drejtuar kryeministrit Edi Rama, OSBE kërkon te njihet edhe me bazën ligjore te kësaj kërkese, ndërsa ofron edhe asistencën ligjore se si mund te rregullohet kjo çështje.
