Në Pogradec u zhvillua një takim rajonal për parandalimin e ekstremizmit të dhunshëm dhe radikalizmit online, me pjesëmarrjen e përfaqësuesve nga Shqipëria dhe Maqedonia e Veriut, si dhe institucioneve ndërkombëtare dhe lokale. Në fokus të diskutimeve ishte bashkëpunimi ndërkufitar për të parandaluar përhapjen e ekstremizmit, gjuhës së urrjetjes me karakter etnik dhe kulturor veçanërisht në hapësirën online.
“Në veçanti në hapësirën online, ekstremizmi i dhunshëm është një fenomen që kërkon bashkëpunim ndërkufitar, pasi vetë këto kërcënime janë transnacionale. Në këtë kuadër, dy institucionet koordinuese të Shqipërisë dhe Maqedonisë së Veriut po punojnë së bashku për të përballuar këtë fenomen, duke përfshirë edhe komunitetet lokale në zonat kufitare përreth Liqenit të Ohrit.
Ky bashkëpunim është për t’u vlerësuar, pasi përveç qasjes ndërkombëtare, ai përfshin edhe bashkëpunimin e rajoneve kufitare të të dy vendeve. Fenomene globale ndikojnë edhe në rajonin tonë, ndaj lufta kundër ekstremizmit të dhunshëm kërkon përpjekje të reja nga të gjitha vendet.
Fatmirësisht, ky rajon ka një traditë të bashkëjetesës dhe bashkëpunimit ndërfetar, si në Shqipëri ashtu edhe në Maqedoninë e Veriut, veçanërisht në zonën përreth Liqenit të Ohrit. Megjithatë, duhet të qëndrojmë gjithmonë vigjilentë, pasi fenomene globale mund të përhapen kudo dhe potencialisht mund të ndikojnë edhe në këtë pjesë të botës”, tha Darko Angelov, shef i Departamentit të Sigurisë në OSCE.
Sipas përfaqësuesve të institucioneve të sigurisë, fenomenet e ekstremizmit dhe radikalizmit janë të lidhura gjithnjë e më shumë me hapësirën online dhe kërkojnë bashkëpunim të ngushtë mes institucioneve, komuniteteve lokale, sistemit arsimor dhe strukturave të rendit në të dy vendet. Theksi vendoset tek platformat online që denziformojnë apo edhe grupet rinore që ndikohen lehtë.
“Rreziku i ekstermizmit të dhunshëm që mund të çojë në terrorizëm në nivel kombëtar konsiderohet i ulët por kjo nuk do të thotë se gjuha e urrejtjes që nxit ekstremitetet apo radikalizmim etnik fetar apo kulturor nuk është prezente, është prezente në hapsirën online, në shumë shtete të botës ku mund të ketë edhe komente apo përmbajtje shqip folëse. Ne jemi duke diksutuar akte të ndryshme legjislative me mbëstjetjen e BE me shtetet e rajonit të cilat kamë forcuar më shumë kuadrin ligjor.
Ajo që mund të them është që propaganda dhe dezinformimi që fryhet në rrjetet sociale nga individë të caktuar të cilët mund të kenë axhendat e tyre, shpeshherë ndikon edhe për të ashpërsuae retorinkëm mes vendeve tona apo të rajonit.
Sot lëvizja e njerzve në të dyja shtetet dhe bashkëpunimi në aktivitere kulturore nuk ka munguar ndaj në vend që të shikojmë retorikën negative online
duhet të fokusohemi edhe duke i dhënë mbështetjen prsktikave më të mira.
Nuk duhet ulur asnjëherë vigjilenca sidomos kur flasim për grupe vulnerabër që mund të jenë persona me probleme të shëndetit mendor apo grupe të rinjsh që mund të jenë më shumë të influencueshëm nga mediat apo kanalet sociale mendoj se është detyrim për ne që ti lëmë brezave që do vijnë një hapsirë jovetëm online por edhe fizike ku mund të diskutojnë pa pasur frikë për të shprehur mendimet dhe të marrin informacionin e duhur”, deklaroi Lejdi Dervishi, Qendra e Koordinimit kundër Ekstremizmit të Dhunshëm, Ministria e Brendshme.
Autoritetet theksuan se, megjithëse rreziku i ekstremizmit të dhunshëm që mund të çojë në terrorizëm në Shqipëri mbetet i ulët, gjuha e urrejtjes dhe dezinformimi në rrjetet sociale vazhdojnë të jenë sfidë. Për këtë arsye, vendet e rajonit po punojnë për forcimin e kuadrit ligjor dhe për promovimin e bashkëpunimit dhe dialogut mes komuniteteve, me mbështetjen e European Union./vizionplus.tv
