Ceremonia e Pashkëve në Berat u kremtua në Katedralen e “Shën Dhimitrit” dhe u drejtua nga Mitropoliti i Beratit,Vlorës dhe Kaninës,Imzot Ignati.
Ceremonia e shenjtë që zgjati deri në mesnatë u ndoq nga qindra besimtarë ortodoksë të cilët ishin mbledhur brenda dhe jashtë ambjenteve të Katedrales,duke u lutur në një nga ditët më të rëndësishme të kalendarit të krishterë,për më shumë paqe dhe jetë më të mirë.
Besimtarët ortodoksë beratas morën pjesë fillimisht në meshën për ringjalljen e Krishtit,që u drejtua nga At Petraq Simsia.
At Petraqi kryesoi lutjen e traditës sipas liturgjisë,me lutje ndaj Zotit,duke respektuar të gjitha ritet e kësaj feste.
Më pas,besimtarët ortodoksë morrën dritë nga drita e zotit,duke ndezur qirinj nga Imzot Ignati,dritë që çdo besimtar ortodoks e përcjell me vete në shtëpinë e tij si shenjë mirësie dhe për të marrë bekimin e Zotit.
Mesnata që shënoi edhe ringjalljes e Krishtit,kulmoi në sheshin qëndror të qytetit,jashtë Katedrales së “Shën Dhimitrit”,ku të gjithë besimtarët ndriçuan qytetin me dritën e zotit,me qirinj në duar.
Besimtarët ortodoksë beratas uruan të gjithë besimtarët ortodoksë në Berat e në të gjithë Shqipërinë për më shumë paqe,begati e mirësi në çdo familje shqiptare.
Urimeve i’u janë bashkuar edhe besimtarë të huaj,tē cilët kishin ardhur në Berat për të festuar Pashkët.
