Orlando Bloom dhe Katy Perry kanë qenë ndër çiftet më të komentuara, që në momentet e para të lidhjes, e deri kur gjithçka mes tyre mori fund. Aktori i njohur duket se ia ka dalë më së miri të lërë pas të shkuarën e tij, pasi ditën e djeshme është shfaqur krah një bukurosheje brune, që me shumë mundësi është më shumë se një mike për të.
Ndoshta Katy Perry nuk do të dojë ta shohë këtë, por Bloom duket se ka vendosur të ecë përpara. Katy dhe Orlando u ndanë pak ditë më parë pasi ai u fotografua në krah të një vajze misterioze brune dhe tashmë ai na ka prezantuar me një tjetër bukuroshe. Ata kanë qenë duke festuar në një “club” dhe të dy kanë nxituar të futen në makinë pasi janë pikasur nga gazetarët.
Por enigma ndaj Orlandos nuk mbaron me kaq, pasi aktori thuhet se është përpjekur të kontaktojë me ish-të dashurën, Selena Gomez.
Nuk është hera e parë që Bloom tenton ta provojë me këngëtaren dhe që prej ditës që lidhja e tij me Katy Perry-n mori fund, ai i ka rënë telefonit të Selenës shpesh. Nga ana tjetër, Gomez është e lumtur në krahët e këngëtarit The Weeknd. Ç’të jetë ky fiksim i Orlandos me brunet në përgjithësi?
