Zbulimet e fundit në Australi po bëjnë xhiron e mediave ndërkombëtare dhe kanë vendosur qeverinë e Scott Morrison në një pozitë jashtëzakonisht të vështirë.
Në zemër të skandalit qeveritar është një “sinjalizues”, i cili ka vendosur të thyejë heshtjen e tij dhe të flasë për klimën seksiste që ka mbizotëruar në Parlamentin Australian për vite me radhë.
Burri, i cili më parë ka punuar në parlament, foli për mediat lokale në kushte anonimiteti dhe u vuri në dispozicion fotografi e video të veprimeve seksuale në ish-vendin e tij të punës.
Sipas tij, një numër i vogël i anëtarëve të stafit kishin krijuar një grup në Messenger ku ndanin imazhe dhe video të veprimeve të pahijshme. Ai shtoi se deputetët shpesh përdorin një dhomë në Parlament të destinuar për lutje ose meditim, për të bërë seks.
Ai gjithashtu zbuloi se politikanët marrin punonjëse seksi në ndërtesë për t’u kënaqur. Scott Morrison u tha gazetarëve dje se ishte i shokuar.
“Ne duhet të rikthejmë rregullin në Parlament. Duhet të lëmë mënjanë dallimet tona politike, të njohim problemin dhe ta zgjidhim atë.”
