Orgest Bilbili, i superkërkuari për disa krime në Lushnje u plagos tek “Xhamlliku”
Identifikohet i plagosuri në zonën e “Xhamllikut” në Tiranë. Mësohet se Orgest Bilibili mbeti i plagosur gjatë një konflikti me armë zjarri në kryeqytet. Ai ishte i shpallur në kërkim dhe njihet ndryshe si i supërkërkuari i Lushnjes.
Bilbili është i dyshuar dhe i akuzuar për një sërë vrasjesh dhe ngjarjesh të tjera të rënda në Lushnje. Ai është në konflikt me anëtarët e Bandës së Lushnjes dhe prej kohësh ishte në arrati.
Bashkë me Lart Haxhinë, Orgest Bilbili akuzohet për vrasjen e Zamir Latifit dhe Jurgen Hoxhës në 2017 në Lushnje, ku në atentantin ndaj nipit të Aldo Bares, u vranë shokët e tij.
Mësohet se Orgest Bilibili është edhe personi që kërcënoi me armë punonjësin e policit këtë të premte. E plagosur nga ngjarja mbeti edhe një kalimtare.
