Policia e Devollit ka proceduar penalisht pesë persona, të cilët akuzohen për organizimin e lojëra të fatit. Sipas njoftimit të policisë, shtetasit e proceduar janë kapur duke luajtur loto në lokalin e shtetasit A. M..
“Specialistët për Hetimin e Krimeve në Komisariatin e Policisë Devoll, filluan procedimin penal në gjendje të lirë ndaj shtetasve: A. M., 65 vjeç, B. M., 45 vjeç, E. B., 35 vjeç, O. B., 36 vjeç, Xh. M., 22 vjeç, banues në fshatin Trestenik, Devoll”
Si prova materiale uniformat blu kanë sekuestruar letra bixhozi, lekë dhe euro. Shtetasit e proceduar akuzohen për “Vënia në dispozicion e lokaleve për lojëra të palejuara”, “Fshehja e të ardhurave” dhe “Organizimi i lotarive të palejuara”.
