Shtohet presioni ndaj presidenti katalanas Carles Puigdemont për të hequr dorë nga shpallja e pavarësisë. Edhe pse ka mbërritur në orarin e pritshëm në parlamentin rajonal të Katalonjës, në orën 18:00, fjalimi që pritet të mbajë është shtyrë. Vetëm pak minuta më parë, presidenti i këshillit të BE-së, Donald Tusk u radhit mes zërave që nxisin Puigdemontin të mos e shpallë pavarësinë.
Në komentet e tij të fundit mbi këtë krizë, udhëheqësi i BE-së tha se pasojat do të ishin “padyshim të këqija për katalanasit, për Spanjën dhe për të gjithë europën”. Ndërkohë, policia katalanase ka rrethuar parlamentin në Barcelonë, duke mbyllur të gjitha hapësirat për publikun.
