Dy kreret e grupeve parlamentare te opozitës, Edmond Spaho dhe Petrit Vasili kundërshtuan nëpërmjet një deklarate për mediat votimin dhe miratimin e ligjit për Teatrin Kombëtar nga mazhoranca në seancën e e së enjtes në mbëmje.
“Gramoz Ruci duhet ta shpalle votimin të pavlefshëm pasi në votim kanë shënuar edhe deputetë të cilët nuk kanë qënë fare present në sallë. Ky votim I këtij ligji është I falsifikuar dhe anti-kushtetues. Ky votim I bie të jetë nul pasi në kuvend janë bërë vjedhje votash sic po vidhet edhe prona e Teatrit.”
Mazhoranca miratoi e vetme me 75 vota pro ligjin për prishjen e godinës aktuale të Teatrit dhe ndërtimin e një godine të re gjë e cila u kundërshtua ashpër nga opozita e cila hodhi drejt Ramës dhe qeverisë kartonat e votimit ndërsa Basha sot premtoi edhe protesta në rruge për këtë cështje.
