Opozita i kërkon drejtueses se ONM-se Kalavera dhe ambasadorëve të SHBA dhe BE, që të mbështesin organet e reja të vettingut. Ne një leter dërguar nga kryetari i grupit parlamentar të PD, Edmond Spaho, ngrihet shqetësimi i shkurtimit të fondeve dhe stafit të organeve të vetingut. Sipas PD, ndryshimi i strukturave të propozuara duke i reduktuar me 40 për qind, si dhe votimi nga shumica ne kuvend, janë tërësisht të papranueshme.
Per opozitën, ato jane provë e qartë e mungesës së vullnetit të mazhorancës për suksesin e procesit të rivlerësimit, duke sabotuar që në nisje këtë proces. Sipas Spahos, sjellja e Rames dhe mazhorances socialiste rrezikon seriozisht funksionimin e të gjitha organeve të reja të sistemit të drejtësisë, përfshirë edhe dy organet e rëndësishme struktura e posaçme antikorrupsion dhe Byroja Kombëtare e Hetimit. PD i kërkon ONM-se dhe ambasadoreve të jenë aktive gjatë zbatimit të reformës dhe të mbajnë nën kontroll qeverinë, që të mos cenohet procesi vetingut.
