Opozita proteston në Prishtinë
Qe prej orës 14.00 opozita ne Kosove është duke zhvilluar nje proteste ne qender te Prishtinës, ku po kërkon dorëheqjen e qeverise dhe mbajtjen e zgjedhjeve te parakohshme. Drejtuesit e partive opozitare dhe mbështetësit e saj nisen marshimin drejt sheshit “Skënderbeu” prane ndërtesës se qeverise. Protestuesit mbajnë ne duar flamuj te Shqipërisë dhe parulla kundër qeverise Mustafa. Ne disa prej tyre shkruhet “Is, Is, argat i Serbisë”, “Per shtet me sovranitet” dhe “Poshte Zajednica”. Policia ka përforcuar masat e sigurisë. Njësite speciale kane rrethuar ndërtesën e qeverise, ndërsa jane vendosur edhe kamera te sigurise ne zona te ndryshme. Ne krye te protestuesve eshte edhe ish-lideri i Vetëvendosjes, Albin Kurti i akuzuar per akte dhune ne Kuvend, ndaj te cilit policia ka lëshuar urdhearrest per mosparaqitje ne seancën gjyqësore. Ai deklaroi përpara përkrahësve se kjo eshte pranvera e rilindjes se demokracisë ne Kosove. Ndërkaq mediat raportojnë se shefi i qeverise Mustafa dhe numri dy i saj Thaçi ndodhen ne seline e qeverise. Protesta e kësaj te mërkure shënon kulmin e protestave disa mujore te opozites, e cila kundërshton me force dy marrëveshje, ate me Serbinë per themelimin e bashkësisë se komunave serbe dhe paktin e kufirit me Malin e Zi. Disa ore përpara protestës, ndërkombëtaret ne Kosove shtuan apelet qe protesta te zhvillohet e qete, per te mos izoluar Kosovën dhe kthyer vendin pas.
