Opozita protestë tek policia e Dibrës, duan lirimin e të arrestuarve

Protestuesit e opozitës u mbledhen në një tubim para Drejtorisë Vendore të Policisë Dibër.

Ata kërkojnë lirimin e të arrestuarve gjatë orëve të para të mëngjesit të sotëm.

12 mbështetes të PD u arrestuan gjatë natës dhe në orët e para të mengjesit në Peshkopi ndërsa të paktën 29 të tjerë janë shpallur në kërkim.

Arrestimet dhe procedimet janë bërë për ngjarjet e mbrëmjes së kaluar, kur simpatizante të PD u përplasën me policinë në tentative për të hyrë dhe prishur materialet zgjedhore ne KZAZ e qytetit të Peshkopisë.

Policia përdori gaz lotsjellës për të shpërndarë mbështetësit e PD dhe për të ruajtur godinën e KZAZ.