Opozita përplaset me policinë te Liqeni

Është tensionuar situata pasditen e së shtunës tek Liqeni Artificial. Protestues te opozitës dhe shoqërisë civile tentuan te prishin gardhin rrethues te parkut te lodrave. Por tubuesit janë penguar nga forcat e policisë. Protestuesit arritën të rrëzojnë gardhin rrethues, duke kërkuar bllokimin e punimeve nga bashkia. Deputete te PD thane se nuk do të lejojnë Bashkinë të betonizoje parkun. Protestuesit ngritën çadër si për të treguar se nuk do të ketë kthim pas ne qëndrimin e tyre. Por pak minuta më vonë, policia ka ndërhyrë duke shembur atë. Protesta e opozitës është përshëndetur edhe nga kryetari i PD Lulzim Basha, i cili ka inkujaruar tubuesit përmes postimeve ne facebook.