Presidenti Ilir Meta ka përshëndetur qëndrimin e opozitës së bashkuar për të mbështetur hapjen e listave 100 për qind, duke e konsideruar një akt historik.
Përmes një postimi në “Facebook”, kreu i shtetit tha se ky hap është një shërbim i çmuar për demokracinë dhe rikthimin e parlamentarizmit të vërtetë.
“Pranimi publik nga lideri i Opozitës së Bashkuar, z.Lulzim Basha për HAPJEN E LISTAVE 100% është AKT HISTORIK dhe SHËRBIM I ÇMUAR për demokracinë dhe rikthimin e parlamentarizmit të vërtetë.Është respekt dhe detyrim ndaj qytetarëve shqiptarë. Tani Këshilli Politik të punojë natë e ditë me ekspertët ndërkombëtarë për konkretizimin më efikas”, shkruan Meta.
