Kryeministri Rama ka përgëzuar SPAK dhe Policinë e Shtetit për operacionin ’Golden Bullet’ që vendosi në pranga 18 persona nga bota e krimit.
Me anë të një postimi në ‘Twitter’ Rama ka shprehur mbështetjen e tij për këto struktura.
Sipas Ramës ky është një shembull kuptimplotë që tregon forcimin e organeve ligjzbatuese.
“Operacioni i sotëm i SPAKUT dhe Policisë së Shtetit është shembulli më kuptimplotë i fuqizimit të organeve ligjzbatuese dhe vendosmërisë së madhe për ta goditur krimin e organizuar me të gjithë forcën e ligjit! Respekt për këtë shembull kaq domethënës. Mbështetje deri në fund!”- shkruan Rama.
Operacioni i SPAK dhe Policisë së Shtetit bëri të mundur shkatërrimin e 8 grupeve të strukturuara kriminale të përfshirënë ngjarjet më të rënda të 10 viteve të fundit.
