Pasi Kuvendi votoi emrat e dy anëtarëve më të rinj të kabinetit qeveritar, në Presidencë u zhvillua pasditen e kësaj të hëne ceremonia e betimit të ministres për Evropën dhe Punët e Jashtme, Olta Xhaçka dhe ministrit të Mbrojtjes, Niko Peleshi.
Pas ekzekutimit të himnit kombëtar, Xhaçka dhe Peleshi u betuan me dorën mbi Kushtetutë para Kreut të Shtetit: “Betohem në nderin tim, se do të zbatoj me përpikëri Kushtetutën dhe ligjet, si dhe do të kryej me përgjegjësi detyrën shumë të rëndësishme që më është besuar, të anëtarit të Këshillit të Ministrave”.
Kryeministri Edi Rama ka shfrytëzuar të drejtën kushtetuese për të mbledhur Parlamentin në mënyrë që ministrat të fillojnë detyrën pa qenë nevoja të presin përfundimin e pushimeve të deputetëve në 18 janar.
