Në një raport të Kombeve të Bashkuara thuhet se më shumë se 8000 fëmijë janë vrarë dhe lënduar në konfliktet e armatosura në të gjithë botën, vetëm vitin e kaluar.
Antonio Guterres, sekretari i përgjithshëm i Kombeve të Bashkuara, i ka quajtur këto vrasje “të papranueshme”. Kombet e Bashkuara nënvizuan se 3.512 fëmijë në Afganistan janë vrarë në vitin 2016, në Siri numri i tyre arrin në më shumë se 1000, ndërsa edhe në Jemen numërohen më shumë se 1300 fëmijë të vrarë.
Të gjeturat e raportit bëjnë të ditur se qindra fëmijë ishin viktima të dhunës seksuale, sulme të shënjesturara në shkolla, apo të rekrutuar si ushtarë.
Raporti po ashtu ka përpiluar një listë “të zezë” me emrat e organizatave përgjegjëse për abuzimet, përfshirë grupe të vendosura në Afganistan, Republikën e Afrikës Qendrore, Republiken Demokratike të Kongos, Irak, Mali, Mianmar, Sudan dhe vende të tjera.
Kombet e Bashkuara e kanë vendosur edhe Arabinë Saudite në një listë të zezë për vdekjet dhe lëndimet e fëmijëve në konfliktin e vazhdueshëm në Jemen.
Sipas Sekretarit të Përgjithshëm të OKB-së, ky raport i fundit deklaron koalicionin saudit përgjegjës për 38 incidente të verifikuara të sulmeve ndaj shkollave dhe spitaleve në vitin 2016.
