Presidenti Ilir Meta ka përshëndetur pas miratimit të rezolutës në OKB me anë të së cilës dënohet sulmi i Rusisë në Ukrainë.
Përmes një mesazhi në “Twitter”, Meta shprehet se kjo shënoi një fitore të rëndësishme diplomatike për lirinë dhe paqen.
“141 vende janë të bashkuar duke kërkuar që Rusia të tërheqë ushtrinë e saj nga #Ukraina! Një fitore e rëndësishme diplomatike për lirinë dhe paqen”, shkruan Meta.
Këtë vendim e kanë përshëndetur më herët dhe kryedemokrati Lulzim Basha, kryeministri Edi Rama e Ministrja e Punëve të Jashtme, Olta Xhaçka.
