OKB: Dëmet nga tërmeti në Turqi përllogariten mbi 100 miliardë dollarë

Dëmet e shkaktuara nga një tërmet shkatërrues në Turqi do të kalojnë 100 miliardë dollar, tha një zyrtar i Programit të Zhvillimit të OKB-së në një konferencë shtypi të martën përpara një konference të madhe donatorësh javën e ardhshme.

“Është e qartë nga llogaritjet që janë bërë deri më sot se shifra e dëmit e paraqitur nga qeveria dhe e mbështetur nga partnerët ndërkombëtarë do të ishte mbi 100 miliardë dollar”, deklaruan zyrtarë të OKB.

Tërmeti që tronditi Turqinë krahas viktimave shkaktoi dhe dëme shumë të mëdha materiale. Mijëra ndërtesa u shembën dhe dëmtuan, duke bërë që të duhet të rindërtohet nga e para.

Më shumë se 52,000 njerëz u vranë në Turqi dhe Siri nga tërmetet e 6 shkurtit, shumë prej të cilëve u nxorën nga rrënojat pas disa ditësh.

Shifra e përkohshme e dëmit, për të cilën OKB tha se mbulon vetëm Turqinë, po përdoret si bazë për një konferencë donatorësh për të mobilizuar fonde për viktimat e tërmetit në Bruksel, Belgjikë më 16 mars, shtoi ajo.