Organizata Botërore e Shëndetësisë ka miratuar përdorimin urgjent të vaksinës Moderna kundër COVID-19, duke u bërë kështu e pesta vaksinë që merr dritën jeshile për injektim.
“Qëllimi është të vihen në dispozicion ilaçe, vaksina dhe mjete diagnostikuese sa më shpejt të jetë e mundur”, tha OBSH në një deklaratë.
Mariangela Simao, numri dy i OBSH, tha se është e rëndësishme të kemi më shumë vaksina për shkak të problemeve me furnizimin e barnave në shumë vende.
Moderna njoftoi këtë javë planin për të zgjeruar rrjetin e saj të prodhimit në mënyrë që të rrisë kapacitetin e saj deri në 3 miliardë doza në 2022.