Obama viziton Athinën, blindohet kryeqyteti grek

Per here te pare pas 17 vjetësh nje president amerikan shkeli token greke. Barack Obama mbërriti mëngjesin e kësaj te marte ne kryeqytetin Athine, nje prej ndalesave te turneut te tij te lamtumirës.
Ne aeroport Obama u prit nga ministri i Mbrojtjes, Panos Kamenons, drejtues i Grekeve te Pavarur, partneri i vogel ne koalicionin qeverisës. Pjese e axhendes se Obames ishin takimet me presidentin Prokopis Pavlopulos dhe kryeministrin Aleksis Cipras.
Ne takimin me Pavlopulos Obama siguroi Greqinë per angazhimin e SHBA ne NATO, duke nënvizuar se si administrata demokrate, edhe ajo amerikane do te njohe rendesine e aleancës per raportet trans-atlantike. Pavlopulos përmendi rolin e rëndësishëm te NATO-s ne rajon dhe e falenderoi Obamen per mbështetjen per popullin grek ne nje kohe krize ekonomike, duke shprehur besimin se Trump do te vazhdoje te njejten rruge. Ndersa me kryeministrin Cipras Obama përcolli nje mesazh mbështetjeje per Greqinë per rolin ne krizën e emigranteve. Ai tha gjithashtu se se rritja e qëndrueshme ekonomike nuk mund te arrihet vetem përmes masave shtrënguese, por edhe përmes lehtësimit te borxhit. Ne diten e dyte te vizitës, Obama do te mbaje nje fjalim per demokracinë dhe globalizimin, përpara se te udhëtoje drejt Gjermanisë. Mbërritja e presidentit Obama eshte shoqëruar me masa te larta te sigurisë, me 5 mije police greke te angazhuar dhe qindra agjente amerikane, pas paralajmërimit per protesta antiamerikane te lëvizjeve te majta, anarkisteve apo sindikatave.