Kriza e refugjatëve, lufta ndaj terrorizmit dhe bisedimet diplomatike me Rusinë për të për të zgjidhur konfliktin në Siri kanë qenë në fokus të fjalimit të fundit të presidentit amerikan Barak Obama në OKB. Duke folur përpara zyrtarëve nga 135 shtete të botës, Obama tha se situata në Siri nuk është vetëm një çështje ushtarake, por dhe një krizë humanitare, e cila duhet të marre fund.
“Duhet të hapim zemrat dhe të bëjmë shumë më tepër për të ndihmuar refugjatët që janë larg dhe në kërkime të një shtëpie të re. Ne duhet të bëjmë me shumë veçanërisht, kur politika dhe negociatat bëhen më të vështira. Në Siri ne duhet të sigurojmë ndihmat për ata që kanë nevojë dhe paralelisht me këtë të vijojmë përpjekjet diplomatike. Kjo nuk është vetëm një luftë ushtarake per te mposhtur terroristet e ISIS, por shume me tepër se kaq”.
Obama është ndalur te përhapja dhe ndikimi i ekstremizmit në shoqëri dhe duke ironizuar një ide te Donald Trump tha se kjo çështje nuk frenohet me ndërtimin e mureve në kufi. Gjatë fjalimt të tij presidenti obama nuk ka lënë pa komentuar edhe qëndrimet e moskës, që sipas tij po përdor metodat e vjetra për të rikthyer pushtetin e dikurshëm.
“Nacionalizmi rus dhe ndërhyrja ne punët e jashtme të fqinjëve, nuk bën gjë tjetër veçse zvogëlon staturën e këtij shteti dhe i bën kufijtë e këtyre vendeve më pak të sigurta. Ne shohim se Rusia vazhdon dhe përpiqet për të rikthyer lavdinë e së shkuarës. Kjo i takon nje mendësie te vjetër qe prodhon vetëm konflikte.”
Presidenti amerikan u ndal dhe te një konflikt dhjetëra vjeçar. Ai i bëri thirrje zyrtarëve të shtetit izraelit që të heqin dorë nga pushtimi i tokës palestineze dhe nga ana tjetër zyrtarëve palestinez që të njohin legjitimitetin e izraelit. Obama përsëriti apelin e tij për gjetjen e një zgjidhje që kënaq të gjitha palët.
