Kandidatja e demokratëve kamala Harris u shfaq për herë të parë në fushatën e saj në Xhorxhia së bashku me ish-presidentin e SHBA-ve Barack Obama. Në fjalën e saj ajo e vuri theksin tek shëndetësia.
“E jona është një luftë për të ardhmen .Unë vij nga klasa e mesme dhe nuk do ta harroj kurrë se nga vij. Kujdesi shëndetësor duhet të jetë një e drejtë dhe jo vetëm një privilegj për ata që mund ta përballojnë atë. Donald Tramp ende refuzon të pranojë dhimbjen dhe vuajtjen që ka shkaktuar … grave u mohohet kujdesi gjatë abortit”, tha Harris.
Lexo edhe :
Ish-presidenti amerikan Barack Obama e cilësoi kandidatin republikan si një rrezik për SHBA-të.
“Sjellja e çrregullt e Trumpit është bërë aq e zakonshme sa njerëzit nuk e marrin më seriozisht. Vetëm për shkak se ai sillet si budalla nuk do të thotë se presidenca e tij nuk do të ishte e rrezikshme. Kamala ka një plan për ta bërë jetën tuaj më të mirë”, u shpreh ish-presidenti.
Ndërkohë kandidati republikan Donald Trump deklaroi në Arizona se me ardhjen e tij në pushtet do te zgjidhe problemin e emigranteve
“Dhe mesazhi im sot është shumë i thjeshtë. Pushtimi i emigrantëve të Kamalës, që na është dhënë për shkak të paaftësisë së madhe, e skualifikon atë që as të mendojë për të qenë presidente. Ne nuk mund ta lejojmë këtë të ndodhë. Asnjë person që është përgjegjës për kaq shumë gjakderdhje dhe vdekje”, tha Trump.
Ish-presidenti amerikan tha se vendi është shndërruar në një kosh mbeturinash për shkak të politikave të emigracionit të administratës Biden. /vizionplus.tv
