Brexit është nje shqetësim per presidentin amerikan Barak Obama, qe rrezikon rritjen ekonomike globale. Ai paralajmëroi se vendimi per braktisjen e unionit do te ngrije mundësitë e investimeve ne Britani, por edhe ne Europe.
“Besoj se ka disa shqetësime afatgjata per rritjen ekonomike te botes. Tashme kur rritja globale është ne nivele te ulëta, dalja e Britanisë nuk na ndihmon”.
Obama i beri thirrje kryeministrit britanik dhe udhëheqësve te tjerë te BE-se qe te sigurojnë proces te rregullt te shkëputjes. Ai i beri keto komente ne nje samit te liderëve te Amerikës Veriore ne Otave me liderët e Kanadasë dhe Meksikës. Ndërkaq, lufta politike ne Britani per kreun e konservatoreve dhe postin e kryeministrit eshte ashpërsuar. Sekretari i Drejtësisë, Michael Gove, nje figure e njohur ne fushatën per Brexit, ka bere nje lëvizje te papritur. Ndërsa pritej te mbështeste ne kete gare ish-kryebashkiakun e Londrës Boris Johnson, ai ka vendosur te kandidoje vete. Arsyeja sipas tij është se Johnson nuk mund te jete lider dhe s’mund te krijoje nje skuadër per t’i çuar gjerat përpara. Ne gare ka hyre gjithashtu edhe sekretarja e Brendshme Theresa May, e cila ka mbështetur qëndrimin ne BE. Fituesi do te shpallet ne 9 shtator.
