Dy gra janë proceduar penalisht në Sarandë pasditen e kësaj të diele.
Policia njofton se dy gratë kishin nxjerrë për të lypur 4 fëmijë të mitur, të moshave nga 4 deri në 9 vjeç.
Specialistët për Hetimin e Krimeve të Komisariatit të Policisë Sarandë referuan materiale në Prokurori ku nisi procedimi në gjëndje të lirë për shtetaset A. A., 39 vjeçe, banuese në Gjirokastër dhe E. L., 33 vjeçe, banuese në Sarandë, pasi janë konstatuar duke shfrytëzuar për të lypur, 4 fëmijët e tyre të mitur 4-9 vjeç.
