Nxirren nga banesa 8 familje, ndërtesa e ushtrisë do i kalojë kadastrës

Tetë familje të cilat jetonin me qira në ambientet e ish-shtëpisë së oficerëve në Vlorë, janë nxjerrë jashtë nga policia ushtarake mëngjesin e kësaj të hëne.

Godina, pronë e ministrisë së mbrojtjes, do të rikonstruktohet, pasi aty do të vendosen zyrat e reja të kadastrës.

Ndërkohë banoret ankohen se nuk kanë ku të strehohen ndërsa i kanë bërë apel autoriteteve vendore që t’u gjejnë banesa sociale.

Nga ana tjetër bashkia e Vlorës u ka kërkuar familjeve që të plotësojnë dokumentacionin përkatës dhe të paraqiten pranë zyrave të saj me qëllim marrjen e bonusit te qirase.