Rreth 31 mijë nxënës të shkollave 9-vjeçare iu nënshtruan këtë të enjte testimit të njohurive të tyre në provimin e dytë të lirimit, atë të matematikës. Edhe këtë herë teza u fotografua dhe qarkulloi ne rrjete sociale.
Për nivelin e provimit nxënësit shprehen se ishte i vështirë.
“Nuk është se ishte shumë shumë i lehtë, por unë i bëra të gjitha për vete. Provimi i matematikës më i vështirë, i gjuhës ishte shumë më i lehtë. Kishte disa pyetje me spec te matematika, disa ushtrime që si kuptonim. Unë e di që një ushtrim nuk e kam bërë siç duhet, nuk e kam plotësuar. Pres të mar rose 9 ose 10.”- tha një nxënës.
Sipas tyre provimi i matematikës ishte në përputhje me programin mësimor që ata kanë ndjekur.
“Të gjitha ishin në programin mësimor pavarësisht sa shpesh i kishim prekur disa ushtrime. Kishte çdo lloj ushtrimi që kemi bërë përgatitje me zyëshën këto muaj që kemi pasur konsultime. Sigurisht që kishte ndonjë pëshpëritje nga fundi i klasës po u siguruan që ne mos ta tepronim shumë.” u shpreh nxënësi.
Ky ishte provimi i dytë i minimaturës për të vijuar me provimin e gjuhëve të huaja më 29 qershor, ku përveç anglishtes këtë vit do të jetë dhe gjuha franceze, gjermane dhe italiane në nivelin A2.
