Policia e Krujës ka parandaluar një krim këtë here në një shkollë. Një 14 vjeçar nga fshati Larushk ka tentuar të vrasë mësuesin në klasë me pistoletë, pasi ai nuk e kishte përfshirë në një garë sportive. Ngjarja ndodhi mesditën e së mërkurës në shkollën 9-vjeçare te fshatit, kur nxënësi është konfliktuar me mësuesin. Kanë qene shokët e tij te klasës që kanë parë 14-vjeçarin të marrë armën dhe kane lajmëruar menjëherë drejtorin e shkollës. Më pas është njoftuar policia, e cila ka arrestuar në flagrancë 14-vjecarin. Nga kontrolli fizik që iu krye të miturit iu gjet dhe iu sekuestrua një armë zjarri tip pistoletë dhe dy fishekë. Një tjetër vrasje është parandaluar në Elbasan. Forcat e policisë kanë bërë të mundur ndalimin e një 16-vjeçari, në ambientet e shkollës së mesme profesionale. Ky shtetas, gjatë një konflikti për motive të dobëta ka tentuar te vrase një bashkëmoshatar, me armen e zjarrit pistolete qe mbante me vete.
Nxënësi tenton të vrasë mësuesin
