Gjashtë raste të reja me koronavirus u shtuan në orët e fundit në Kosovë. Ky ishte një numër i njëjtë me atë që u regjistrua në Shqipëri.
Kosova numëroi gjashtë të infektuar të rinj pas shifrës zero që raportoi një ditë më parë.
Këtë të hënë, autoritetet njoftuan edhe për një humbje jete, duke e çuar totalin në 30 viktima.
Ndërsa numri i përgjithshëm i të infektuarve është 1.038. Ndërkohë, dy pacientë të tjerë fituan betejën me koronavirusin.
