Pas përfundimit të numërimit të votave për partitë politike, ka nisur procesi për kandidatët, për të mësuar se kush do të jenë deputetët e rinj në Parlament.
Shifrat e dala deri tani tregojnë një surprizë në Tiranë, në listën e PD, ku Belind Këlliçi është në krye me 883 vota. Më tutje, është Lulzim Basha që ka mbledhur 279 vota dhe i treti Agron Shehaj me 193 vota. Emri i liderit historik të PD, Sali Berisha deri tashmë ka marrë votat e 98 qytetarëve.
Në kampin tjetër, atë të socialistëve, bie në sy fakti që figurat e vjetra, si Fatmir Xhafaj, Pandeli Majko, Mimi Kodheli dhe Ilir Beqaj janë jashtë Parlamentit, të paktën deri në këto momente.
Kjo për shkak të pozicioneve të pasigurta që ata patën në listën e PS. Por duhet theksuar që këto janë vetëm të dhënat e para dhe duhet pritur për të kuptuar nëse dikush do të thyejë herësin.