Dy nga 133 qendrat e votimit në Kamëz nxjerrin në avantazh kreun aktual të kësaj bashkie, Rakip Sulin.
Ndonëse pjesëmarrje në qendrat e votimit të numëruara është e ulët, rezultati ka mjaftuar për të nisur festën.
Në qendrën e parë ku kanë votuar 241 persona, Rakip Suli merr 143 vota, Arjan Hoxha 85 vota ndërsa Bilbil Bajraktari vetëm 6 vota. Në qendrën e dytë nga 191 fleta votimi të numëruara, Rakip Suli ka marrë 130 vota, Arjan Hoxha 50 vota, ndërsa Bilbil Bajraktari vetëm 8 vota.
Automjete me flamuj të subjekteve politike dhe fishekzjarret janë prezentë në Kamëz për të festuar fitoren e parakohshme.
Fitorja pretendohet nga opozita, njësoj si nga Partia Socialiste, ndërsa procesi i numërit është në vijim.
