Papa Françesku kritikoi të dielën njerëzit që kishin shkuar jashtë vendit me pushime për t’iu shpëtuar masave kundër koronavirusit, duke thënë se ata duhet të tregohen më të kujdesshëm dhe më të ndërgjegjshëm për vuajtjet e të tjerëve.
“Ata nuk menduan për ata që po qëndrojnë në shtëpi, për problemet ekonomike të shumë njerëzve që janë goditur rëndë nga bllokimi, për njerëzit e sëmurë. Ata menduan vetëm për të shkuar me pushime dhe për t’u argëtuar”, tha Papa.
“Kjo më trishtoi me të vërtetë”, tha ai në një videomesazh nga biblioteka e Pallatit Apostolik të Vatikanit.
“Ne nuk e dimë se çfarë do të rezervojë 2021 për ne, por ajo që të gjithë ne mund të bëjmë së bashku është të bëjmë pak më shumë përpjekje për t’u kujdesur për njëri-tjetrin dhe jo vetëm për interesat tona.”
